Juleferien er snart over, og då blir kull 19 spreidd rundt om i landet i ein to månader lang praksisperiode.
Ingeliv set kursen mot Oslo, der ho skal ha praksisen sin hos Nynorsk pressekontor.
Vilde har fått praksis i Svalbardposten, der ho blir av dei aller første nynorskskrivande. Vilde skal først fullføre eit forfattarstudium, og startar praksisen sin 1. mai, i Longyearbyen på Svalbard.
Kristoffer blir også bygut dei kommande to månadane. Han skal til Nationen, ei avis han føler passar han godt i tema og interesser.
Amalie set kursen heimover, og skal dei kommande to månadane jobbe i avisa Sunnhordland. Der kjem ho også til å halde fram med helgejobbing utover våren, samtidig som ho fullfører ei bachelorgrad. Til sommaren blir det sommarjobb i same avis.
Nordmøringen Knut skal gjere sunnmøring av seg dei kommande to månadene. Han skal ha praksis i Sunnmørsposten. Med mykje familie i Ålesund er ikkje sunnmørshovudstaden heilt ukjent for han frå før heller.
Her frå Førde får dei med seg eit stort lykke til!