Under dagens julelunsj i Firda-kantina vanka det mange godord. Dei fem praktikantane i kull 15 har med glans gjennomført den fire månader lange opplæringa i Førde, og skal no ut i praksis i januar og februar. Natalie, Sofie, Synne, Taline og Øystein har oppnådd noko som ingen andre kull før dei. Alle fem har tilbod om journalistjobb etter praksisen. Fire av dei er allereie tilsette.
Men først ventar praksis på nyåret. Sofie skal til featureredaksjonen i Klassekampen i Oslo, Synne får Haugesunds Avis som praksisplass, medan Øystein drar til Ålesund og Sunnmørsposten. Natalie og Taline har valt Firda som praksisavis.