Marita vaks opp i ei lita bygd i Gulen, ytst i Sognefjorden. Førde er ikkje nokon ny stad for ho, for ho har allereie vore her i tre år då ho tok ein bachelor i sjukepleie.
Ho flytta deretter til Bergen for å jobbe i akuttmottak, så det å jobbe under press er ikkje ukjent for ho. Ho trivst som sjukepleiar, men har kjent på ein spirande journalist inni seg. – No tek eg ein ny bachelor, denne gongen i sosialantropologi, noko eg tenkte eg kunne vere nyttig for å mate den spirande journalisten. Derfor er eg veldig glad for at eg frå januar av får opplæring og erfaring i Nynorsk avissenter, seier Marita.
Ho gler seg til å komme tilbake til Sogn og Fjordane. For sjølv om fylket no heiter Vestland, så kjenner Marita på stoltheit og identitet til gamlefylket.
Eg har aldri vore noko anna enn ein sliten helsearbeidar. Heilt frå eg var tenåring har eg jogga rundt i korridorar på sjukehusa i tide og utide. Eg lurar på